Shu yilning 9-mart kuni Bo‘zatov tumanida 2-sonli "Yerik bag‘" okrugiga bo‘shab qolgan o‘ringa Xalq deputatlari Bo‘zatov tumani Kengashining deputati saylovi bo‘lib o‘tishi belgilangan.

Shu munosabat bilan Bo‘zatov tuman saylov komissiyasi a’zolari, tegishli uchastka saylov komissiyasining raisi, o‘rinbosari, kotibi va a’zolari uchun 28-fevral hamda 1-mart kunlari o‘quv-seminari tashkil etilmoqda.

O‘quv-seminar O‘zbekiston Respublikasi Markaziy saylov komissiyasining 2024-yil 27-may kuni qabul qilingan "Saylov komissiyalari a’zolarining bilim va ko‘nikmalarini oshirishni tashkil etish to‘g‘risida"gi 1331-sonli qaroriga asoslangan bo‘lib, seminar davomida komissiya a’zolariga saylovlarga tayyorgarlik ko‘rish va ularni o‘tkazish bo‘yicha tartib-qoidalar bilan keng tushunchalar berilmoqda.

Jumladan, Qoraqalpog‘iston Respublikasi Markaziy saylov komissiyasi a’zosi K.Kaypov, Qoraqalpoq davlat universiteti professor-o‘qituvchi murabbiylari M.Najimov va M.Tileumuratov, Bo‘zatov tumani hokimligi tashkiliy-kadrlar guruhi rahbari O.Ametovlar Saylov qonunchiligiga muvofiq saylovga tayyorgarlik ko‘rish va uni o‘tkazishga oid norma, qoidalar bilan komissiya a’zolariga tanishtirib o‘tmoqda.

Shuningdek, seminarda so‘zga chiqqanlar muhim siyosiy tadbirni saylov qonunchiligi talablari asosida yuqori saviyada o‘tkazish bo‘yicha o‘z fikrlarini bildirmoqda.

Qoraqalpog‘iston Respublikasi Markaziy saylov komissiyasi